مرکزی بجٹ میں ریاست کرناٹک کے ساتھ ناانصافی: ویلفیر پارٹی آف انڈیا

 "کرناٹک کو ایک پیسہ بھی نہیں دیا گیا"

کرناٹک:بیدر: 2 فروری:ویلفیئر پارٹی آف انڈیا کے ریاستی صدر طاہر حسین نے 2025-26 کے لیے مایوس کن بجٹ پیش کرنے پر مرکزی وزیر خزانہ نرملا سیتا رمن پر تنقید کرتے ہوئے کہا کہ بجٹ میں کرناٹک کو ایک پیسہ بھی نہیں دیا گیا ہے۔

دیہی علاقوں میں کسی کے پاس پیسہ نہیں ہے۔ کسانوں کو فائدہ پہنچانے کے لیے کسی اسکیم کا اعلان نہیں کیا گیا۔ جب سے مرکز میں بی جے پی حکومت آئی ہے کسان آنسو بہا رہے ہیں۔ ستم ظریفی یہ ہے کہ ملک ایک اندازے کے مطابق 45 سے 50 فیصد تک بے روزگاری کا سامنا کر رہا ہے۔ لیکن اس میں روزگار پیدا کرنے کا کوئی ذکر نہیں ہے، اس بجٹ سے چھوٹی صنعتوں کو کوئی فائدہ نہیں ہوا۔ ریلوے، تعلیم، یا بنیادی ڈھانچے کے منصوبوں کے لیے کوئی تجویز نہیں دی گئی ہے۔ یہ کسانوں، خواتین اور استحصال زدہ طبقات کے خلاف بجٹ ہے۔ انہوں نے اکتوبر میں ہونے والے بہار اسمبلی انتخابات کے پیش نظر ریاست بہار کے لیے خصوصی اسکیموں کے اعلان کو انتخابی چال کے طور پر تنقید کا نشانہ بنایا۔

نرملا سیتا رمن کرناٹک سے راجیہ سبھا کے لیے منتخب ہونے کے باوجود انہوں نے ہماری ریاست کو بالکل نظر انداز کر دیا ہے۔ مرکزی بجٹ سے ریاست کو کوئی فائدہ نہیں ہوتا۔ ریاست کے بی جے پی کے 17 ممبران پارلیمنٹ اور جے ڈی ایس پارٹی کے دو ممبران پارلیمنٹ نے کہا کہ یہ پوری طرح سے کسان مخالف اور کرناٹک مخالف بجٹ ہے، جس کا کوئی فائدہ نہیں ہے۔