تعلیم اب ہر گھر تک:بیدر کے این پی ایس پبلک اسکول کا تاریخی تعلیمی پیکیج
بیدر:5 مئی:(ایلاف میڈیا) ریاست کرناٹکا کے تاریخی شہر بیدر میں تعلیمی انقلاب برپا کرنے والے ممتاز تعلیمی ادارے این پی ایس پبلک اسکول، نور خان تعلیم بیدر نے متوسط اور غریب طبقے کے والدین کے لیے ایک بے مثال ریلیف کا اعلان کیا ہے۔
موجودہ دور میں بڑھتی ہوئی مہنگائی اور نجی اسکولوں کی گراں قدر فیس کے پیشِ نظر، ادارے کے چیئرمین **مرزا رحمت اللہ بیگ** نے ایک ایسی اسکیم متعارف کرائی ہے جس کا مقصد "تعلیم سب کے لیے" خواب ماں باپ کے کوشش ہماری۔
« ایک فیس، تین بچے: والدین کی پریشانی کا حل»
مرزا رحمت اللہ بیگ نے میڈیا سے بات کرتے ہوئے کہا کہ آج کے دور میں والدین کے لیے اپنے بچوں کو معیاری تعلیم دلوانا ایک بڑا مالی چیلنج بن چکا ہے۔ اس پریشانی کو مدنظر رکھتے ہوئے ادارے نے فیصلہ کیا ہے کہ ایک ہی خاندان (ماں باپ) کے تین بچوں کو پہلی جماعت سے دسویں جماعت تک تعلیم دی جائے گی۔
کل فیس:ان تینوں بچوں کی مکمل تعلیمی مدت (1st to 10th) کے لیے محض 1 لاکھ 50 ہزار روپے فیس مقرر کی گئی ہے۔
اس موقع پر چیئرمین مرزا رحمت اللہ بیگ نے مزید کہا:
"ہمارا مقصد تجارت نہیں بلکہ قوم کے نونہالوں کو زیورِ تعلیم سے آراستہ کرنا ہے۔ ہم چاہتے ہیں کہ مالی تنگی کسی بھی بچے کے مستقبل کی راہ میں رکاوٹ نہ بنے۔ یہ قدم بیدر کے والدین پر سے فیس کا بوجھ کم کرنے کی ایک مخلصانہ کوشش ہے۔"
این پی ایس پبلک اسکول کے اس اعلان کے بعد بیدر کے عوامی اور سماجی حلقوں میں خوشی کی لہر دوڑ گئی ہے۔ ماہرینِ تعلیم اور والدین نے مرزا رحمت اللہ بیگ کے اس جذبے کو سراہتے ہوئے اسے دیگر تعلیمی اداروں کے لیے ایک قابلِ تقلید مثال قرار دیا ہے۔ مزید معلومات کے لیے اسکول ایڈمنسٹریشن سے رابطہ کریں۔
No comments:
Post a Comment