بیدر کے سابق سی ایم سی کمشنر سمیت آٹھ سرکاری ملازمین کو معطل کر دیا گیا۔
بیدر سٹی میونسپل کونسل (سی ایم سی) کے سابق کمشنر سمیت آٹھ سرکاری ملازمین کو 358 پلاٹوں اور شہری ادارے کے اسٹالوں/ دکانوں کی الاٹمنٹ کے لئے کھاتوں کی تفویض میں بے ضابطگیوں کے الزام میں معطل کر دیا گیا ہے۔ انکوائری رپورٹ کی بنیاد پر، محکمہ میونسپل ایڈمنسٹریشن کے ڈائریکٹر این منجوشری نے ہفتہ کو بیدر کے سابق کمشنر سی ایم سی رویندر انگاڑی، ریونیو آفیسر سویتا، ریونیو انسپکٹر راجکمار اور سنگمیش، ٹیکس کلکٹر رمیش راؤ، سینئر ہیلتھ انسپکٹر سید شاہ اشفاق علوی اور سیکنڈ ڈویژن اسسٹنٹ فرید چندا معطل کیا گیا۔
وجے کمار نامی ایک شخص نے شکایت درج کرائی تھی کہ غیر قانونی پلاٹوں کو ڈیجیٹل کھاتہ دینے میں بے ضابطگیاں ہو رہی ہیں۔ انہوں نے ڈائریکٹوریٹ آف میونسپل ایڈمنسٹریشن سے انکوائری کرانے اور اس میں شامل قصورواروں کے خلاف کارروائی کی اپیل کی تھی۔
ڈائریکٹوریٹ آف میونسپل ایڈمنسٹریشن کی ایک ٹیم نے بیدر کا دورہ کیا اور تحقیقات کی۔
No comments:
Post a Comment