سابق ایم ایل سی قاضی ارشد علی نہیں رہے

 بیدر کے سابق ایم ایل سی قاضی ارشد علی نہیں رہے۔

کرناٹک بیدر: قانون ساز کونسل کے سابق رکن قاضی ارشد علی 75 سال کا پیر کے روز دل کا دورہ پڑنے سے انتقال کرگئے۔ان کی نماز جنازہ بیدر شہر کی جامع مسجد میں بروز منگل 4 مارچ 2025 دوپہر 1.30 بجے ادا کی جائے گی۔ نماز جنازہ بعد ازاں تدفین تعلقہ بھالکی کے قبرستان میں کی جائے گی۔

مرحوم روزنامہ بیدر کی آواز ہندی اور روزنامچہ سرخ زمین اردو کے ایڈیٹر تھے، اور انہوں نے مختلف عہدوں پر کام کیا تھا، جس میں قانون ساز کونسل کے رکن، بیدر اربن ڈیولپمنٹ اتھارٹی کے چیئرمین، اور کانگریس ضلع یونٹ کے صدر کے طور پر فرائض انجام دیے ہیں انہوں نے ضلع بیدرکی ترقی کے لئے نمایاں کردار ادا کیاہے۔

قاضی ارشد علی کے انتقال پر ضلع کے سیاسی معززین اور صحافیوں سمیت کئی لوگوں نے گہرے دکھ کا اظہار کیا ہے۔